6747《下午茶餐的「選擇困難」》
- By winghongdon
- 五月 14, 2024
如果可以的話，午膳盡量避免在中上環。
人山人海，疑似暴動。即使是文華或任何會所，總是群情洶湧；全體服務員，一律神情焦躁，全身繃緊，明嘅。
不如等一陣，两点半後「下午茶」。節奏稍為放慢，但不等於可以 hea 做，那是另一個江湖。
跟吃早餐一樣，出現「選擇困難」：蒸魚，燒味，粥粉飯麵，還有四季蛇羮及臘腸飯；尚未計西式糕點，或日式洋食等等。
点算？惟有盡快燃燒能量，令自己「享受飢餓的樂趣」。
其他勿論，只是中環街市的週邊一圈（不是內部），已有多間燒味飯店，位位名家，個個高手，沒有省油的燈。
約两年前，筆者在社交媒體，即興做了個「燒鵝飯龍虎榜」，居然很受歡迎。但志不在寫食評，熱鬧過後就算。
最近，在其中一間吃下午茶餐；來了一位時髦 OL，点「干炒牛河」，追問一句：「你們的牛河，係咪即炒㗎？」
女當家豪氣干雲，拍枱道：「梗係！即叫即炒，即刻落鑊；你估我地係尖沙咀，同油麻地嗰啲呀！」
嘩，疑似挑動全港十八區仇恨。究竟佢地有乜唔妥先？
「根本一早炒定，擺喺度，個客叫到，至放入微波爐，《叮》一聲攞出來。」
「係你就趁早，仲要人等十幾廿分鐘，仲《叮》得大大聲。一係你就收埋攪，細聲啲，咪俾人知道。」
厨房大佬可能順風耳收到，落力配合：「咋」一聲起油鑊，跟住快炒幾下，一碟熱辣辣，香噴噴的牛河，即刻上枱。
OL小姐十分滿意。可別說，出真功夫，有感染力；即使你剛吃完下午茶，聞到那陣熱香，恨不得也叫一碟。
論效率，「尖沙咀/油麻地」那種做法，未嘗不可。但今時今日，咁嘅服務態度，經已不足夠；上環燒鵝店多做点功夫，於是得到應有的回報。
所有人与事，都是一点一滴的累積，因果循環。香港人常說「北上消費」，看那一區？還有看那一處？大家都是不進則退。😊
- By winghongdon
- 五月 14, 2024
如果可以的話，午膳盡量避免在中上環。
人山人海，疑似暴動。即使是文華或任何會所，總是群情洶湧；全體服務員，一律神情焦躁，全身繃緊，明嘅。
不如等一陣，两点半後「下午茶」。節奏稍為放慢，但不等於可以 hea 做，那是另一個江湖。
跟吃早餐一樣，出現「選擇困難」：蒸魚，燒味，粥粉飯麵，還有四季蛇羮及臘腸飯；尚未計西式糕點，或日式洋食等等。
点算？惟有盡快燃燒能量，令自己「享受飢餓的樂趣」。
其他勿論，只是中環街市的週邊一圈（不是內部），已有多間燒味飯店，位位名家，個個高手，沒有省油的燈。
約两年前，筆者在社交媒體，即興做了個「燒鵝飯龍虎榜」，居然很受歡迎。但志不在寫食評，熱鬧過後就算。
最近，在其中一間吃下午茶餐；來了一位時髦 OL，点「干炒牛河」，追問一句：「你們的牛河，係咪即炒㗎？」
女當家豪氣干雲，拍枱道：「梗係！即叫即炒，即刻落鑊；你估我地係尖沙咀，同油麻地嗰啲呀！」
嘩，疑似挑動全港十八區仇恨。究竟佢地有乜唔妥先？
「根本一早炒定，擺喺度，個客叫到，至放入微波爐，《叮》一聲攞出來。」
「係你就趁早，仲要人等十幾廿分鐘，仲《叮》得大大聲。一係你就收埋攪，細聲啲，咪俾人知道。」
厨房大佬可能順風耳收到，落力配合：「咋」一聲起油鑊，跟住快炒幾下，一碟熱辣辣，香噴噴的牛河，即刻上枱。
OL小姐十分滿意。可別說，出真功夫，有感染力；即使你剛吃完下午茶，聞到那陣熱香，恨不得也叫一碟。
論效率，「尖沙咀/油麻地」那種做法，未嘗不可。但今時今日，咁嘅服務態度，經已不足夠；上環燒鵝店多做点功夫，於是得到應有的回報。
所有人与事，都是一点一滴的累積，因果循環。香港人常說「北上消費」，看那一區？還有看那一處？大家都是不進則退。😊